پێش کۆتایی ئەمساڵ تەواوی پارەی گەنمی جووتیاران خەرج دەکرێت

ئاڤا نیوز 

 

وەزارەتی بازرگانی عێراق تاوەکو ئێستا بڕیاری خەرجکردنی گوژمەیەکی دیکەی پارەی گەنمی جووتیاران نەداوە، نزیکەی 280 ملیار دینار ماوە خەرجبکرێت و بەر لە کۆتایی ئەمساڵ بەچەند گوژمەیەک دەنێردرێت.

 

وێنە گەورەکە: جووتیارانی هەرێمی کوردستان خۆیان بۆ وەرزێکی نوێ ئامادە دەکەن، بەڵام بەشێکی پارەی ئەو گەنمەی ئەمساڵیان وەرنەگرتووە کە ڕادەستی سایلۆکانیان کردووە، بڕەکەی نزیکەی 280 ملیار دینارە.

 

لێدوانی فەرمی: زۆزان کۆچەر، ئەندامی لیژنەی کشتوکاڵ لە پەرلەمانی عێراق بە ئاڤا نیوزی گوت، "وەزارەتی بازرگانی عێراق بڕیاری خەرجکردنی هیچ بڕێکی دیکەی پارەکەی نەداوە، بەڵام دەبێت پێش کۆتایی هاتنی ئەمساڵ تەواوی پارەکە خەرجبکرێت و جووتیارن مافی خۆیان پێبدرێت."

 

ئەوەی پێویستە بیزانیت: دوای شەش مانگ لە پڕۆسەی ڕادەستکردنی گەنم، لەکۆی 598 ملیار دینار کە بۆ گەنمی جووتیارانی هەرێمی کوردستان تەرخانکراوە 46.66%ی پارەی گەنمی جووتیاران لای عێراق ماوە خەرج بکرێت.