سەرچاوەیەک لە نەوەی نوێ: ئامادەین بەشداری لە حکومەت بکەین

ئاڤا نیوز

جووڵانەوەی نەوەی نوێ بۆ بڕیاردان لەبارەی بەشداریکردن لە کابینەی دەیەمی حکومەتی هەرێمی کوردستان کۆدەبێتەوە. سەرچاوەیەک لە جووڵانەوەکە بە ئاڤا نیوزی ڕاگەیاند: "نەوەی نوێ ئامادەیە بۆ بەشداریکردن لە حکومەتدا".

وێنە گەورەکە: لە هەڵبژاردنی خولی شەشەمی پەرلەمانی کوردستان نەوەی نوێ 15 کورسی بەدەستهێنا و لەدوای پارتی و یەکێتی ئێستا هێزی سێیەمە.

لێدوانی فەرمی: سەرچاوەیەک لە نەوەی نوێ بە ئاڤا نیوزی ڕاگەیاند، بڕیارە ئەمڕۆ جووڵانەوەکە بەسەرپەرشتیی شاسوار عەبدولواحید و بە ئامادەبوونی کاندیدە دەرچووەکانی کۆببێتەوە.

زانیاریی زیاتر: بڕیارە لە کۆبوونەوەکدا نەوەی نوێ بەشداریکردن لە حکومەتی داهاتووی هەرێمی کوردستان تاوتوێ بکات.

لەلایەکی دیکەوە: سەرچاوەیەکی دیکە لە نەوەی نوێ بۆ ئاڤا میدیا پشتڕاستی کردەوە، ویستیان هەیە و ڕژدن بۆ ئەم کابینەیە بەشداری لە حکومەتدا بکەن، بۆ کۆبوونەوە چاوەڕێی لایەنەکانی پێکهێنەری حکومەت دەکەن، کۆمەڵێک مەرجیان هەیە و گفتوگۆی لەسەر دەکەن.