هەوڵی ئازادکردنی تاوانبارانی سوتانی قەیسەریی کەرکووک دەدرێت

ئاڤا نیوز

 

چەندین مانگە کاسبکارانی بازاڕی قەیسەری کەرکووک لەماڵەوە بێکارن و تا ئێستا قەیسەرییەکە بە تەواوی نۆژەن نەکراوەتەوە و هەوڵدەدرێت تاوانباران ئازاد بکرێن.

 

وێنە گەورەکە: لە ماوەی ڕابردوودا وەزارەتی ناوخۆی عێراق دانپێدانانی بکەرانی بڵاوکردەوە و دانیان بە سوتاندنی هەر یەک لە قەیسەری کەرکووک و هەولێر و بازاڕی چلەیی دهۆک دا. 

 

زانیاریی زیاتر: لەپاش سوتانی قەیسەری هەولێر و بازاڕی چەلێی دهۆک، قەیسەری قیرداری کەرکووکیش سوتێنرا کە لە ئاکامدا 107 دووکان و کۆگا بە بەهای زیاتر لە دوو ملیار دینار زیانیان بەرکەوت.

 

ئەوەی پێویستە بیزانیت: دوکاندارانی بازاڕی قەیسەری کەرکووک، لە ئەگەری ئازاد کردنی تاوانباران هەڕەشەی خۆپیشاندان و دەربڕینی ناڕەزایەتیی دەکەن.