ژمارەی كوژراوانی غەززە 43 هەزاری تێپەڕاند

ئاڤا نیوز

 

وەزارەتی تەندروستیی غەززە ژمارەی كوژراو و بریندارانی شەڕی لە كەرتی غەززە ڕاگەیاند و تاوەکو ئێسستا زیاتر لە 43 هەزار كەس گیانیان لەدەست داوە.

 

وێنە گەورەکە: شەڕ و پێکدادان لە کەرتی غەززە بەردەوامی هەیە، تادێت كوشتن و برینداربوون لە کەرتەکە زیاتر دەبێت بەهۆی بۆردوومانی ئیسرائیلەوە، بەشێكی زۆر لە كوژراوەكان هاووڵاتی بێ چەک و منداڵانن، ڕێكخراوەكانی کۆمەڵگەی نێودەوڵەتیی و وڵاتانیش داوا دەكەن ئیسرائیل بۆردوومانەكانی ڕابگرێت.

 

لێدوانی فەرمی: وەزارەتی تەندروستیی كەرتی غەززە ڕایگەیاند: ژمارەی كوژراوانی کەرتی غەززە گەیشتووەتە 43 هەزار كەس و 508 كەس، هاوکات ژمارەی بریندارەكانیش بەرزبووەتەوە بۆ 102 هەزار و 684 كەس.

 

زانیاریی زیاتر: زیاتر لە ساڵێكە شەڕ و پێكدادانەكان لە كەرتی غەززە بەردەوامە، تا دێت شەڕەكە قوڵتر دەبێتەوە و گیان لەدەستدان و برینداربوونیش ڕوو لە زیادبوونە.