سوپای توركیا كوژرانی چوار گەریلای پەكەكەی ڕاگەیاند

ئاڤا نیوز

وەزارەتی بەرگريی توركیا كوژرانی چوار گەریلای پەكەكەی لە ئۆپەراسیۆنی چنگ-قوفڵ لە هەرێمی كوردستان ڕاگەیاند، تا ئێستا پەكەكە كوژرانی ئەو چوار گەریلایەی پشتڕاست نەكردووەتەوە.

ئەوەی پێویستە بیزانیت: فڕۆکە جەنگییەکانی تورکیا لە ناوچەی ئۆپەراسیۆنی چنگ-قوفڵ هێرشەکەیان کردووە کە لە نیسانی 2022ەوە تورکیا ئەو ئۆپەراسیۆنەی دژی گەریلاکانی پەکەکە لە هەرێمی کوردستان دەستپێکردووە.

ڕاگەیەنراوی فەرمیی: وەزارەتی بەرگريی توركیا لە ڕاگەیەنراوێكدا دەڵێت، ئۆپراسیۆنەكەیان بەردەوامە و ئەمڕۆ چوار گەریلای پەكەكە كوژراون و هیچ زیانێكی گیانیش بەر هێزەكانیان نەگەیشتووە.

لایەنی بەرامبەر: تا ئێستا پەكەكە هیچ ڕاگەیەنراوێكی لەسەر كوژرانی ئەو چوار گەریلایە نەبووە و پشتڕاستی نەكردووەتەوە.