ڕاهێنان بە کارمەندانی سەرژمێری دەکرێت

ئاڤا نیوز

 

هەشت ڕۆژ ماوە بۆ ئەنجامدانی پرۆسەی سەرژمێری گشتیی دانیشتووان، زیاتر لە 60 هەزار کەسیش ناویان بۆ فۆرمی کارمەندانی سەرژمێری پڕکردووەتەوە.

 

لێدوانی فەرمی: گۆهدار محەممەد، سەرۆکی کەرتی تەکنیکی و مەیدانی سەرژمێری بە ئاڤا نیوزی ڕاگەیاند: زیاتر لە 60 هەزار کەس فۆڕمی دامەزراندنی کارمەندی بۆ پرۆسەی سەرژمێری پڕکردووەتەوە، هاوکات زیاتر لە 15 هەزار کارمەندی بژمێر بۆ ڕاپەڕاندنی کارەکان پێویستین، لە دوو ڕۆژی داهاتووشدا ناوی بژمێرەکان بڵاو دەکرێتەوە.

 

ئەمەش بزانە: سەرۆکی کەرتی تەکنیکی و مەیدانی سەرژمێری دەڵێت: دوای ڕاگەیاندنی ناوی بژمێرەکان، کارمەندەکان بەشداری لە خولێكی راهێنان تایبەت بە پڕکردنەوەی فۆڕمەکە و بەکارهێنانی تابلێتەکان دەکەن، هاوکات فێری دەکرێن کە چۆن ماڵ و شوێنەکان دەدۆزنەوە و ماڵی دووبارە تۆمار ناکەن.

 
ئەوەی پێویستە بیزانیت: بژمێر ئەو کەسەیە کە دەچێتە ماڵان، وە تەواوی زانیارییەکانی پەیوەست بە سەرژمێری بە وردی تۆمار دەکات.

 

باکگراوند: بڕیارە لە 20 و 21ـی ئەم مانگە، بەهۆی ئەنجامدانی سەرژمێری گشیتییەوە، قەدەغەی هاتووچۆ ڕابگەیێنرێت، هاوکات دەوامی فەرمانگە ڕادەگیرێت و دەبێتە پشووی فەرمی.