لە فڕۆکەخانەیەکی عێراق دەست بەسەر پێنج قاڵبی زێڕدا دەگیرێت

ئاڤا نیوز

بەڕێوەبەرایەتیی ئاسایشی فڕۆکەخانەکانی عێراق ڕایدەگەیێنێ، ژن و پیاوێکیان دەستگیر کردووە کە بەنیاز بوون بەشێوەی قاچاخ پێنج قاڵبی زێڕ ببەنە دەرەوەی وڵات.
 
ڕاگەیێنراوی فەرمی: وەزارەتی ناوخۆی عێراق بڵاوی کردەوە، بەڕێوەبەرایەتیی پاراستنی ئاسایشی فڕۆکەخانەکان لە یەکێک لە فڕۆکەخانەکانی عێراق، دەستیان بەسەر پێنج قاڵبی زێڕدا گرتووە کە ژن و پیاوێک لەگەڵ خۆیاندا شاردبوویانەوە و دەیانویست بۆ دەرەوەی وڵاتی ببەن.

زانیاریی زیاتر: ژن و پیاوەکە لەلایەن هێزەکانی بەڕێوەبەرایەتیی ئاسایش و پاراستنی فڕۆکەخانەوە دەستگیر کراون و ڕێکاری یاساییان بەرامبەر گیراوەتەبەر.