لەسەر داوای ترەمپ شازادەی جێنشینی سعوودیە دەچێتە ئەمریکا

ئاڤا نیوز

محەممەد بن سەلمان شازادەی جێنشینی سعوودیە، لە وەڵامی بانگهێشتنامەی دۆناڵد ترەمپ، سەرۆکی ئەمریکا، بەرەو ئەمریکا بەڕێ کەوت، پەیوەندییە دووقۆڵییەکان و ڕێگاکانی پتەوکردنیان لە بوارە جیاجیاکاندا تاوتوێ دەکەن.

زانیاریی بەدەستهاتوو: محەممەد بن سەلمان شازادەی جێنشینی سعوودیە، ئەمڕۆ سەردانێکی فەرمی بۆ ئەمریکا دەستپێدەکات، چاوەڕوان دەکرێت گفتوگۆکانی سعوودیە و ئەمریکا باس لە پەیوەندییەکان و پرسە هاوبەشەکان بکەن

ئەوەی لەبارەیەوە دەگوترێت: ترەمپ لە بارەی سەردانەکەوە دەڵێت، ئەم سەردانە کۆبوونەوەیەک زیاترە، ئێمە ڕێز لە شانشینی سعوودیە و شازادەی جێنشین دەگرین.

بۆچی گرنگە: لە خولی دووەمی سەرۆکایەتیی ترەمپدا ئەمە یەکەمین سەردانی شازادەی جێنشینی سعوودیە بۆ واشنتن،  ئەمەش لە کاتێکدایە لە مانگی ئایاری 2025، ترەمپ وەک یەکەم گەشتی دەرەوەی وڵات سەردانی ڕیازی سعودیەی کرد چەندین ڕێککەوتنامەی گرانبەهای واژۆ کرد.

ئەمەش بزانە: ڕۆژی چوارشەممە، ترەمپ و بن سەلمان سەرۆکایەتی کۆڕبەندی بازرگانی سعوودی-ئەمریکی کە تیایدا گفتوگۆ لەبارەی هەلومەرجەکانی وەبەرهێنان لە کەرتەکانی وزە، تەکنەلۆجیا، خزمەتگوزارییە داراییەکان، چاودێری تەندروستی و پەروەردە دەکات.