دەنگە پووچەڵەکانی هەڵبژاردنی پەرلەمانی عێراق 700 هەزاری تێپەڕاند

ئاڤا نیوز

بەگوێرەی ئەنجامی فەرمیی هەڵبژاردنی پەرلەمانی عێراق، زیاتر لە 700 هەزار دەنگی پووچەڵ لە پارێزگاکانی هەرێمی کوردستان و عێراق کە دەکاتە کۆی گشتیی دەنگدەرانی سێ پارێزگا هەبوون.

وێنە گەورەکە: ڕۆژی سێشەممە، 11-11-2025، هەڵبژاردنی گشتیی بۆ خولی شەشەمی پەرلەمانی عێراق بەڕێوەچوو، دوێنێ دووشەممە، کۆمیسیۆن ئەنجامی کۆتایی ڕاگەیاند، لە کۆی زیاتر لە 29 هاووڵاتیی مافی دەنگدانیان هەبوو 12 ملیۆن کەس دەنگی داوە.

ڕاگەیێنراوی فەرمی: کۆمیسیۆنی باڵای سەربەخۆی هەڵبژاردنەکانی عێراق ڕایگەیاند: ژمارەی دەنگە پووچەڵەکان لە سەرجەم پارێزگاکانی عێراق زیاتر لە 700 هەزار دەنگ بوو، پارێزگاکانی هەرێمی کوردستان لە پێشەنگی ژمارەی دەنگە پووچەڵەکان بوون ، لە دوای ئەویش پارێزگاکانی نەینەوا و بەسرە دێن.

هۆکارە زانراوەکان: بەگوێرەی بەدواداچوونی ئاڤا، بەشێک لە دەنگدەران لە کاتی دەنگدان هەڵەیان کردووە، بەجۆرێک مۆری قەڵەمەکە لەو چوارچێوەیە دەرچووە کە دیاریکراوە  یان قەناعەتیان بە هیچ لیست و کاندیدێك نەکردووە دەنگیان پێبدەن و بەمەش دەنگەکە پووچەڵ بووە.

زانیاریی زیاتر: ئەم ژمارەیە یەکسانە بە کۆی گشتی دەنگدەرانی پارێزگاکانی کەربەلا، میسان و دیوانیە، هاوکات دەکاتە کۆی گشتیی ئەوانەی مافی دەنگدانیان هەیە لە پارێزگایەکی وەک واست یان نەجەف.

ژمارەکان وا دەڵێن: ژمارەی دەنگە نادروستەکان، بەگوێرەی کۆمسیۆن، بەم شێوەیەی خوارەوەیە:

سلێمانی: 137 هەزار و 611 دەنگ.

هەولێر: 116 هەزار و 900 دەنگ.

بەغدا: 105 هەزار و 384 دەنگ.

نەینەوا: 48 هەزار و 131  دەنگ.

دهۆک: 34 هەزار و 694 دەنگ.

دیالە: 34 هەزار و 177 دەنگ.

بەسرە: 29 هەزار و 733 دەنگ.

کەرکووک: 29 هەزار و 490 دەنگ.

ئەنبار: 26 هەزار و 782 دەنگ.

زیقار: 25 هەزار و 303 دەنگ.

سەڵاحەددین: 25 هەزار و 189 دەنگ.

بابل: 24 هەزار و 424 دەنگ.

کەربەلا: 18 هەزار و 78 دەنگ.

نەجەف: 17 هەزار و 655 دەنگ.

دیوانیە: 17 هەزار و 207 دەنگ.

میسان: 15 هەزار و 499 دەنگ.

واست: 14 هەزار و 604 دەنگ.

موسەننا: نۆ هەزار و 62 دەنگ.

کۆی گشتیی دەکاتە؛ 729 هەزار و 923 دەنگی پووچەڵ.