زیندانییەک لە زەڕایەن لەدەست هێزەکانی پۆلیس هەڵدێت

ئاڤا نیوز

 

زیندانیەک لە کاتی گواستنەوەی لە نزیک ناحیەی زەڕایەن، لە ڕێگای نێوان سلێمانی - کەلار، بە بیانووی بەرزبوونەوەی شەکرەی خوێنی، لە ئۆتۆمبێلی هێزە ئەمنییەکان دادەبەزێت و دواتر  هەڵدێت.

 

زانیاریی بەدەستهاتوو: سەرچاوەیەکی ئەمنیی لە ناحیەی زەڕایەن کە نەیویست ناوی بهێندرێت هەواڵەکەی بۆ ئاڤا پشتڕاستکردەوە و گوتی، "ڕاستە زیندانییەک هەڵهاتووە، بەڵام  ئەو تاوانە پەیوەندیی بە بەرپرسانی ئیداریی ناوچەکەوە نییە، بۆیە ناتوانین قسەی لەسەربکەین". 

 

لەلایەکی دیکە: زیندانییەکە لەلایەن دادگای ناوچەی گەرمیانەوە داواکراوە و بە ماددەی 456 لە یاسای سزادانی عێراقی سزادراوە. 

 

زانیاریی زیاتر:  تائێستا زیندانییەکە دەستگیرنەکراوەتەوە و پۆلیس بەدوایدا دەگەڕێت.