ئومێد خۆشناو: هەولێر ئامادەیە بۆ سەرژمێری

ئاڤا نیوز

 

ئومێد خۆشناو، پارێزگاری هەولێر ڕایگەیاند كە لە سنووری پارێزگای هەولێر هەموو ئامادەكارییەک بۆ بەڕێوەچوونی سەرژمێری كراوە و ئێستا پارێزگاكە بۆ پڕۆسەكە ئامادەیە.

 

لێدوانی فەرمی: ئومێد خۆشناو، پارێزگاری هەولێر لە كۆنفڕانسێكی ڕۆژنامەوانیدا ڕایگەیاند: ئامادەی هەموو هاوكارییەكی دەستەی ئاماری هەولێرین لە بەڕێوەچوونی پرۆسەی سەرژمێری، لە پارێزگای هەولێر هەموو ئامادەكارییەكان كران و ئێستا پارێزگاکە ئامادەیە بۆ بەڕێوەچوونی پڕۆسەكە.

 

لەلایەكی دیكەوە: پارێزگاری هەولێر ڕاشیگەیاند: ئەو دڵەڕاوكێیەی كە سەبارەت بەڕێوەچوونی پڕۆسەی سەرژمێری لە ناوچە كوردستانییەكانی دەرەوەی ئیدارەی هەرێمی کوردستان هەبوو، ئێستا نەماوە و تێبینییەكان چارەسەر كراون و داوا لە خەڵكی ئەو دەڤەرانە دەكەین كە ئێستا دانیشتووی هەرێمی كوردستان بۆ ڕۆژانی سەرژمێری بگەڕێنەوە ناوچەكانی خۆیان.

 

ئەوەش بزانە: ئومێد خۆشناو، جەختی كردەوە كە 20 و 21ـی ئەم مانگە هاتووچۆ قەدەغە دەبێت.