شەش ڕێنمایی لە وەزارەتی پلاندانەوە سەبارەت بە ڕۆژانی سەرژمێری

ئاڤا نیوز

 

وه‌زاره‌تی پلاندانانی حكومه‌تی هه‌رێمی كوردستان ڕێنمایی جێبه‌جێكردنی سه‌پاندنی قه‌ده‌غه‌ی هاتوچۆ له‌ ڕۆژانی 20 و 21ی ئه‌م مانگه‌ بۆ ئه‌نجامدانی پڕۆسەی سه‌رژمێریی گشتیی دانیشتووان بڵاوده‌كاته‌وه‌.

 

ڕاگەیێنراوی فەرمی: وه‌زاره‌تی پلاندانی حكومه‌تی هه‌رێم بڵاویكرده‌وه‌، بە ئامانجی جێبه‌جێكردنی پرۆسه‌ی سه‌رژمێریی گشتیی دانیشتووان بەشێوەیەکی سەرکەوتوو و دابینکردنی ئاسنکاریی زیاتر بۆ جوڵە و هاتووچۆی تیمەکانی بژمێر و تیمە مەیدانییەکان كه‌ بۆ جێبه‌جێكردنی پرۆسه‌ی سه‌رژمێری ڕاسپێردراون، له‌ ماوه‌ی سه‌پاندنی قه‌ده‌غه‌ی هاتوچۆ له‌ رۆژانی 20 و 21ی مانگ.

ده‌قی رێنماییه‌كانی وه‌زاره‌تی پلاندانانی حكومه‌تی هه‌رێمی کوردستان: 
 

یه‌كه‌م: سه‌پاندنی قه‌ده‌غه‌ی هاتوچۆ له‌ نیوه‌شه‌وی 19-20ی تشرینی دووه‌م له‌ كاتژمێر 12:00ی شه‌و ده‌ستپێده‌كات و تاوه‌كو كاتژمێر 12:00ی شه‌وی 22/21ی تشرینی دووه‌م به‌رده‌وام ده‌بێت.

دووه‌م: جوڵه‌ی هاونیشتمانییان له‌كاتی جێبه‌جێكردنی قه‌ده‌غه‌ی هاتوچۆ سنوردار ده‌كرێت، له‌ نێوان پارێزگاكان، قه‌زاكان و ناحیه‌كان و له‌ نێوان ناحیه‌ و قه‌زا و به‌ پێچه‌وانه‌وه‌، جگه‌ لە دۆخی مرۆیی و زۆر پێویستەکان.

سێیه‌م: لایه‌نه‌ ئه‌منییه‌كان و به‌ڕێوه‌به‌رایه‌تییه‌كانی ئامار له‌ پارێزگاكان و ئیداره‌كان سه‌رجه‌م بژمێره‌كان، به‌ڕێوه‌به‌ری گه‌ڕه‌ك/گوند و یاریده‌ده‌ره‌كانیان، سه‌رپه‌رشتیاران و چاودێران و فه‌رمانبه‌رانی وه‌زاره‌تی پلاندانان به‌ فه‌رمی ڕێگه‌یان پێده‌ده‌رێت بۆ هاتوچۆكردن. به‌ هه‌مان شێوه‌ ڕاگه‌یاندكاران له‌ دوو ڕۆژی قه‌ده‌غه‌ی هاتوچۆ دا ڕێگه‌پێدراون.

چواره‌م: هەموو ئه‌و كه‌سانه‌ی كه‌ ئه‌ركیان پێ سپێردراوه‌ و له‌ ئێشکگریدان له‌ قه‌ده‌غه‌ی هاتوچۆ به‌ده‌رن، وه‌ك كارمه‌ندانی ته‌ندروستی و پزیشكی و خزمه‌تگوزاریی كه‌ له‌ فه‌رمانگه‌ و دامه‌زراوه‌ حكومییه‌كان و به‌پێی مۆڵه‌تی فه‌رمیی فه‌رمانگه‌كه‌یان.

 

پێنجه‌م: هاتوچۆی ئۆتۆمبێلی فریاكه‌وتن، به‌رگریی شارستانی، بەڕیوەبەرایەتی هاتوچۆ و فریاگوزاری و ئۆتۆمبێله‌كانی به‌ڕێوه‌به‌رایه‌تیی شاره‌وانی و خزمه‌تگوزارییه‌كان له‌ قه‌ده‌غه‌ی هاتوچۆ به‌ده‌رن.

 

شه‌شه‌م: قه‌ده‌غه‌ی هاتوچۆ باڵیۆزخانه‌كان، نێرده‌ دیبلۆماسییه‌كان، ده‌زگا نێوده‌وڵه‌تییه‌كان و ڕێكخراوه‌كانی نه‌ته‌وه‌ یەکگرتووەکان ناگرێتەوە.