پرۆسەی سەرژمێری 459 ملیار دینار لەسەر عێراق دەکەوێت

ئاڤا نیوز

 

وەزارەتی پلاندانانی عێراق ئاشکرای دەکات، بڕی پارەی تەرخانکراو بۆ پرۆسەی سەرژمێریی گشتیی لەسەرتاسەری عێراق 459 ملیار دینارە.

 

وێنە گەورەکە: بڕیارە ڕۆژی 20 و 21ـی ئەم مانگە پرۆسەی سەرژمێریی گشتیی لە سەرتاسەری عێراق بە هەرێمی کوردستانیشەوە بەرێوەبچێت و لەماوەی ئەو دوو ڕۆژەدا قەدەغەی هاتووچۆ ڕادەگەیێنرێت،  ئەنجامە سەرەتاییەکانی پرۆسەکەش دوای شەش هەفتە ئاشکرا دەکرێت.

 

لێدوانی فه‌رمی: عەبدولزەهرا هنداوی، گوتەبێژی وەزارەتی پلاندانانی عێراق بە ئاڤا نیوزی گوت: حکومەت بڕی 459 ملیار دیناری لە سەرەتای پرۆسەی سەرژمێریت گشتیی دانیشتووان و نیشتەجێبوون تەرخانکردووە، کەماوەی زیاتر لەدوو ساڵە ئامادەکاریی بۆ دەکرێت.

 

زانیاریی زیاتر: هنداوی بڕی پارەی تەرخانکراو "بە کەم دەزانێت بۆ جێبەجێکردنی پرۆژەیەکی وا گەورە" کە نزیکەی 20 ساڵ لەوادەی خۆی دوواکەوتووە. بەڵام وەک هنداوی ئاماژەی بۆ دەکات "تائێستا سەرجەم ڕیکارەکانی پرۆسەکە سەرکەوتووبوون".