كۆلێژی سەربازیی بەغدا 120 گەنجی كورد وەردەگرێت

ئاڤا نیوز

 

وەزارەتی بەرگریی عێراق كردنەوەی خولی 115ـی لە كۆلێژی سەربازیی لە بەغدا ڕاگەیاند و هەزار گەنج وەردەگرێت لەو ژمارەیە 120ـیان بۆ كوردن.

 

ڕاگەیێنراوی فەرمی: بەپێی ڕاگەیێنراوێكی وەزارەتی بەرگریی عێراق، پڕكردنەوەی فۆڕم لە ڕۆژی 16-11-2024 دەستپێدەكات و لە 21-11-2024 كۆتایی پێدێت، هاوکات بۆ ئەو كەسانەی كە سەرباز نین دەبێت تەمەنیان لەنێوان 18 بۆ 22 ساڵ بێت و بۆ ئەو كەسانەشی كە سەربازن دەبێت تەمەنیان لەنێوان 18 بۆ 24 ساڵ بێت بەمەرجێك سێ ساڵ خزمەتیان هەبێت.

 

لێدوانی فەرمی: سەگڤان سندی، ئەندامی لیژنەی ئاسایش و بەرگریی لە پەرلەمانی عێراق بە ئاڤا نیوزی ڕاگەیاند: گەنجانی كوردیش دەتوانن فۆڕم پڕكەنەوە و داوا پێشكەش بكەن، بەو مەرجانەی كە دیاریكراون، لە كۆی هەزار كەس كە لە كۆلێژەكە وەردەگیرێن، 120 كەسیان دەبێت كورد بن.

 

ئەمەش بزانە: دەرچووانی هەردوو بەشی وێژەیی و زانستیی 12ی ئامادەیی نابێت نمرەیان لە %70 كەمتر بێت و دەرچووانی ئامادەییە پیشەییەكانیش نابێت نمرەیان لە %80 كەمتر بێت.