سەرۆکایەتی پەرلەمانی عێراق لەبارەی سەرژمێری گشتییەوە داوایەک ئاڕاستەی ئەندامانی دەکات

ئاڤا نیوز

سەرۆکایەتیی پەرلەمانی عێراق داوا لە ئەندامانی ئەنجوومەنی نوێنەران دەکات، هەر ئەندامە و لە ناوچەکەی خۆی هاووڵاتییان هان بدەن بۆ دابینکاری و ئاسانکاری تیمە مەیدانییەکانی سەرژمێری دانیشتووان.

 

وێنە گەورەکە: پەرلەمانی عێراق پشتگیریی خۆی بۆ پرۆسەی سەرژمێریی دانیشتووان دووپات دەکاتەوە و ڕایدەگەیێنێت، پەرلەمان لە هەفتەی داهاتوودا کۆبوونەوەکانی دەستپێدەکاتەوە.

 

ڕاگەیێنراوی فەرمی: سەرۆکایەتی پەرلەمانی عێراق لە بەیاننامەیەکدا ڕایگەیاند: پاڵپشتی تەواوی خۆمان بۆ پرۆسەی سەرژمێریی دانیشتووان و نیشتەجێبوون دووپات دەکەینەوە، داواش لە ئەندامانی پەرلەمان دەکەین بۆ ئاڕاستەکردن و هاندانی هاووڵاتییان لە ناوچەکانی خۆیان یارمەتیدەر و هاوکاربن لەسەرخستنی پڕۆسەکە.

 

زانیاریی زیاتر: سەرۆکایەتیی پەرلەمان ڕاشیگەیاندووە: بەهۆی ئەوەی پەرلەمانتاران لە پارێزگاکانی خۆیانن و گرنگیی سەرژمێری، بڕیاردرا لە هەفتەی داهاتوو دانیشتنەکانی پەرلەمان دەستپێبکاتەوە.
 

ئەوەی پێویستە بیزانیت: بڕیارە دوای 27 ساڵ جارێکی تر لە ڕۆژانی 20 و 21ـی ئەم مانگە لە عێراق و هەرێمی کوردستان، پڕۆسەی سەرژمێریی گشتیی دانیشتووان بەڕێوەبچێت.