مالیکی داوا لە هاووڵاتیان دەکات بەشداربن لە سەرژمێری

ئاڤا نیوز

 

سەرۆکی هاوپەیمانیی دەوڵەتی یاسا جەخت لە گرنگیی پرۆسەی سەرژمێریی دانیشتووان دەکاتەوە، هاوکات داوا لە هاووڵاتیانیش دەکات هاوکار و بەشداربن لە سەرکەوتنی پرۆسەکە.

 

وێنە گەورەکە: پرۆسەی سەرژمێری گشتیی دانیشتووان لە سەرتاسەری عێراق بە هەرێمی کوردستانیشەوە دەستیپێکردووە و ڕۆژانی 20 و 21ی ئەم مانگە قۆناغی کۆتایی بەڕێوەدەچێت.

 

ڕاگەیێنراوی فەرمی: نووری مالیکی، سەرۆکی هاوپەیمانیی دەوڵەتی یاسا ڕایگەیاند: لەگەڵ نزیکبوونەوەی وادەی سەرژمێری گشتیی دانیشتووان، داوا لە هاوڵاتیانمان دەکەین بەشداری بکەن لە سەرکەوتنی پرۆسەی سەرژمێرییەکەدا، کە کاریگەری ئەرێنی زۆری دەبێت.

 

بابەتی ستراتیژی: مالیکی باسی گرنگی پرۆسەی سەرژمێریی دانیشتووان دەکات و دەڵێت: "زانیاری پێویست بۆ گەشەپێدان و بە ئەلیکترۆنیکردنی حکومڕانی دابین دەکات، هۆکارێکە بۆ دەستنیشانکردنی سەرچاوە مرۆیی و ماددی و زانستییە بەردەستەکان و دابینکردنی بناغەیەکی تۆکمە بۆ چارەسەرکردنی بێکاری و هەژاری، هاوکات سەرژمێری دەبێتە هۆی دەستنیشانکردنی ئەو کەرت و ناوچانەی کە پێویستیان بە ئاودانکردنەوە هەیە".