لە هەڵەبجە 36 پڕۆژەی خزمەتگوزاریی نوێ جێبەجێ دەکرێن

ئاڤا نیوز

ئەنجوومەنی وەزیران و وەزارەتی پلاندانان ڕەزامەندییان نیشانداوە بۆ جێبەجێکردنی 36 پڕۆژەی خزمەتگوزاریی نوێ لە پارێزگای هەڵەبجە، پڕۆژەکانیش لەسەر بودجەی پەرەپێدانت پارێزگاکان بۆ ساڵی 2024 جێبەجێ دەکرێن.

 

وێنە گەورەکە: سەرۆکوەزیران مەسرور بارزانی لەماوەی ئەمساڵدا دووجار بۆ دانانی بەردی بناغەی دوو پرۆژەی گرنگ و ستراتیژی، سەردانی پارێزگای هەڵەبجە کرد و جەخت لەسەر بەهێزکردنی ژێرخانی پارێزگاکە و ڕەخساندنی هەلی کار بۆ هەڵەبجەییەکان کردەوە، دوای بڕیارەکانی سەرۆکوەزیران هەندێک لە پڕۆژەکام جێبەجێ کران و بەشێکیشیان لە جێبەجێکردندان.

 

لێدوانی فەرمی: کاوە عەلی، جێگری پارێزگاری هەڵەبجە لە لێدوانێکیدا بۆ ئاڤا نیوز ڕایگەیاند: "دوای وەرگرتنی ڕەزامەندی وەزارەتی دارایی، دەست بە ڕێکارەکانی تەندەرین دەکەین و پڕۆژەکان دەخرێنە بواری جێبەجێکردنەوە بەپێی تەواوبوونی ڕێکارە دارایی و هونەری و کارگێڕیەکان."

 

زانیاریی زیاتر: ئەو پڕۆژە نوێیانەی لە هەڵەبجە جێبەجێ دەکرێن، پێكهاتوون لەوانە: دروستکردن و قیڕتاوکردنی ڕێگاوبان، ڕاکێشانی تۆڕی ئاو و ڕووناکی، خزمەتگوزاریی پەروەردەی.

 

بەشێک لەو پڕۆژانەی بڕیارە لە هەڵەبجە جێبەجێ بکرین.

- نۆژەنکردنەوەی شەقامی سەرەکی و گەڕەکی دەروازەی شار.
- دروستکردنی تانکی کۆنکریتی 100 مەتر سێجا و لێدانی بیری قوڵ.
-دروستکردنی قوتابخانەی 12 پۆلی.
- چاکسازی و قیرتاوکردنی چەندین ڕێگای گوندەکان.
- گەیاندنی کارەبای بەردەوام بۆ فەرمانگەکانی ناحیەی سیروان
- ناحیەکانی خورماڵ، بیارە، سیروان، لە پڕۆژە خزمەتگوزارییەکان سوودمەند دەبن.