قەزای خورماڵ هیچ سەنتەرێکی ئۆتیزمی تێدا نییە

ئاڤا نیوز

 

قەزای خورماڵ هیچ سەنتەرێکی ئۆتیزمی تێدا نییە، ئەمەش هاونیشتمانیان و کەسوکاری نەخۆشانی خاوەنپێداویستی تایبەتی لە قەزاکە نیگەران کردووە.

 

چیرۆکی سەرەکی: لە قەزای خورماڵی سەر بە پارێزگای هەڵەبجە نزیکەی 50 قوتابی تایبەت کە زۆربەیان نەخۆشی ئۆتیزمیان هەیە، بەهۆی نەبوونی قوتابخانەی تایبەت و سەنتەری ئۆتیزمەوە، ناتوانن وەک پێویست سوود لە پرۆسەی خوێندن وەربگرن.

کاریگەری و لێکەوتەکان: جگە لەو منداڵانەی خاوەنپێداویستی تایبەت لەپرۆسەی خوێندن بەشدارن، چەندین منداڵی دیکە هەیە بەهۆی توندی حاڵەتی ئۆتیزم و دووری لە سەنتەری قەزای خورماڵەوە لە خوێندن بێبەش بوون .

زانیاریی زیاتر: لەناو قەزای خورماڵ، هەموو جۆرەکانی خاوەنپێداویستی تایبەت هەن. وەک: نابینا، نابیست، بیرکۆڵ و ئۆتۆزیم. هەروەها ئەو کەسانەی کێشەی زمان و قسەکردنیان هەیە.