شوێن و نرخی ئەو زەوییانەی لە ئیدارەی سەربەخۆی سۆران دابەش دەکرێن

ئاڤا نیوز

 

ئاڤا نیوز نرخ و شوێنێ ئەو زەوییانە ئاشکرا دەکات کە لە سنووری ئیدارەی سەربەخۆی سۆران بەسەر فەرمانبەران دابەش دەکرێن، نرخی بەشێکیان لە نێوان دوو بۆ 15 هەزار دۆلارە. 

 

وێنە گەورەکە: ئاڤا نیوز زانیاری شوێنی زەوییەکان لە شارەوانی و سەرچاوەی فەرمی حکومی وەرگرتووە، خەمڵاندنی نرخی زەوییەکانیشی لە عەقاراتەکان وەرگرتووە، لە هەر شوێنێک پرسی بە دوو بۆ سێ عەقارات کردووە.

 

سۆران

 

لە شاری سۆران نۆ هەزار پارچە زەوی ئامادەکراون کە کەوتوونەتە، بادلیان -  دەشتی دێڵزیان  - کەورین و نرخی ئێستای زەوییەکانیش لە نێوان  چوار بۆ شەش هەزار دۆلارە، لە داهاتووش پێشبینی دەکرێت نرخی هەر پارچە زەوییەک بگاتە 10 بۆ 15 هەزار دۆلار. 

 

ڕواندز 

 

لە قەزای ڕواندز 940 پارچە زەوی ئامادەکراون کە کەوتوونەتە بانە زێوک و نرخی ئێستای زەوییەکانیش لە نێوان  سێ هەزار و 500  بۆ پێنج  هەزار دۆلارە، لە داهاتووش پێشبینی دەکرێت نرخی هەر پارچە زەوییەک بگاتە 10 بۆ 12 هەزار دۆلار. 

 

خەلیفان 

 

لە خەلیفان هەزار و شەش پارچە زەوی ئامادەکراوە کە کەوتووەتە بناری کۆڕەک،  نرخی ئێستای زەوییەکانیش لە نێوان  سێ  بۆ چوار هەزار و 500 هەزار، لە داهاتووش پێشبینی دەکرێت نرخی هەر پارچە زەوییەک بگاتە حەوت بۆ 10 هەزار دۆلار. 

 

سیدەکان

 

500 پارچە زەویش لە سیدەکان ئامادەکراون کە کەوتوونەتە دەروازەی سیدەکان و  نرخی ئێستای زەوییەکانیش لە نێوان  نۆ  بۆ 10 هەزار دۆلارە، لە داهاتووش پێشبینی دەکرێت نرخی هەر پارچە زەوییەک بگاتە 15 بۆ 20 هەزار دۆلار. 

 

چۆمان

 

هەزار و 470 پارچە زەویش لە چۆمان ئامادەکراون کە کەوتوونەتە مەمی خالان،  نرخی ئێستای زەوییەکانیش لە نێوان  دوو بۆ 3 هەزار دۆلارە، لە داهاتووش پێشبینی دەکرێت نرخی هەر پارچە زەوییەک بگاتەسێ هەزار و 500 بۆ پێنج هەزار دۆلار.