ئاڤای خەڵک؛ گوندی هەنجیرۆک لە بەردەڕەش بەرەو چۆڵبوون دەچێت

ئاڤا نیوز

دانیشتووانی گوندی هەنجیرۆکی سەر بە ناحیەی دارەتوو لە بەردەڕەش داوای چاککردنی ڕێگای گوندەکەیان دەکەن و دەڵێن: بەهۆی خراپی ڕێگاکە ژمارەیەک خێزان گوندەکەیان چۆڵکردووە.

بەدواداچوونی ئاڤا: دانیشتووانی گوندی هەنجیرۆک بە ئاڤایان ڕاگەیاندووە، ڕێگای گوندەکەیان زۆر خراپە، لەوەرزی زستاندا بە تەواوی پەکی دەکەوێت بە تایبەت بۆ جووتیاران ناتوانن کاروباری ڕۆژانە ڕاپەڕێنن  بۆیە داوای چارەسەریان کردووە.

زانیاریی زیاتر: لە ساڵی 2013 چاککردنەوەی ڕێگاکە درا بە کۆمپانیایەک بۆ ئەوەی چاکسازی تێدا بکات، لەوکاتەوە 12 ساڵە کارکردن کە پڕۆژەکە وەستاوە، پێشتر 100 ماڵ لەو گوندەبوون و بەهۆی خراپی ڕێگەکە زیاتر لە 30 ماڵ شوێنەکەیان جێهشتووە. 

لێدوانی فەرمییەکان: تەحسین عیسمەت، بەڕێوەبەری ناحیەی دارەتوو دەڵێت، پڕۆژەکە ئەوکات لەسەر بوجەی پترۆ دۆلار بە تەندەر کرا، دوای ڕاگرتنی بودجەی پترۆ دۆلار لە بەغداوە پڕۆژەکەش وەستا، ئێستاش ناتوانین بیکەینەوە بە تەندەر چونکە کۆمپانیاکە سکاڵامان لەسەر تۆماردەکات.

بڕوا فاروق، قایمقامی قەزای بەردەڕەشیش دەڵێت، لەگەڵ بەڵێندەرەکە و پارێزگای دهۆک لە هەوڵی چارەسەرکردنی کێشەکەداین، ئومێدمان هەیە بەمزووانە چارەسەر بێت.