سەرژمێریی گشتی لە عێراق و هەرێمی کوردستان بەڕێوەدەچێت

ئاڤا نیوز

 

لە کاتژمێر 7ـی بەیانییەوە پرۆسەی سەرژمێری دانیشتووان لە عێراق و هەرێمی کوردستان دەستیپێکردووە و  بژمێرەکان بۆ پشتڕاستکردنەوەی ئەو زانیارییانەی پێشوەختە بەشێوەی ئەلیکترۆنی تۆماریان کردووە، سەردانی ماڵەکان دەکەنەوە.

وێنە گەورەکە: بۆ ئەوەی پرۆسەی سەرژمێری بە ڕێكوپێكی بەڕێوەبچێت، لە دوای كاتژمێری 12ـی شەوی ڕابردوو، قەدەغەی هاتووچۆ لە سەرتاسەری هەرێمی كوردستان دەستیپێکرد، جووڵەی ئۆتۆمبێل و هاونیشتمانیان سنووردار دەبێت و تاوەكو کاتژمێر 12:00ـی شەوی 21 لەسەر 22 بەردەوام دەبێت.

لێدوانی فەرمی: گوهدار محەممەد عەلی، سەرۆکی کەرتی تەکنیکی و مەیدانی لە سەرژمێری هەرێمی کوردستان بە ئاڤا نیوزی ڕاگەیاند: بۆ کۆتاجار ئەمڕۆ بژمێرەکان بە مەبەستی پشتڕاستکردنەوەی ئەو زانیارییانەی کە لە ڕۆژانی ڕابردوو تۆماریان کردووە، سەردانی ماڵەکان دەکەنەوە.

زانیاریی زیاتر: جگە لە تۆمارکردنی خێزانەکان، تیمەکانی سەرژمێری چەند پرسیارێکی تایبەت بە ژیان و گوزەران و ئابووری هاووڵاتییان دەکەن.

ئەوەی پێویستە بیزانیت: لە پرۆسەی سەرژمێریدا، زیاتر لە 130 هەزار بژمێر لە عێراق و هەرێمی کوردستان بەشدار دەبن.