کاتی ڕاگەیاندنی ئەنجامی سەرەتایی سەرژمێری ئاشکرا دەکرێت

ئاڤا نیوز

 

لیژنەی باڵای ڕاگەیاندن بۆ سەرژمێری دانیشتووان ڕایدەگەیێنێت، ناوەندیی ئۆپەراسیۆنەکانی وەزارەتی پلاندانان بەردەوامە لە وەرگرتنی داتاکان و ئەنجامە سەرەتاییەکان لەماوەی 48 کاتژمێردا دوای وەرگرتنی ئامارەکان ڕادەگەیێنرێت.

 

وێنە گەورەکە: بەرەبەیانیی ڕۆژی چوارشەممە 20-11-2024، سەرژمێری گشتی لە سەرجەم ناوچەکانی هەرێمی کوردستان و عێراق بەڕێوەچوو، ماوەی دوو ڕۆژیش قەدەغەی هاتووچۆ دەبێت.

 

لێدوانی فەرمی: حەیدەر مەجید، لیژنەی باڵای ڕاگەیاندن بۆ سەرژمێری دانیشتووان بە ئاژانسی هەواڵی عێراقی ڕاگەیاند: بژمێرەکان لە بەربەیانیی ئەمڕۆوە دەستیان بە پرۆسەی سەرژمێری کردووە بە مەبەستی مۆرکردن و پشتڕاستکردنەوەی داتاکان و ناردنی بۆ سەنتەری داتا.

 

زانیاریی زیاتر: بە گوتەی حەیدەر مەجید، وەزارەتی پلاندانان پشت بەو داتایانە دەبەستێت و دوای تەواوبوونی ئەو زانیارییە لەماوەی 48 کاتژمێردا ئەنجامە سەرەتاییەکان ڕادەگەیێنرێت.