پزیشكانی بێسنوور: منداڵانی غەززە خۆزگە بە مردن دەخوازن

ئاڤا نیوز

سەرۆكی ڕێكخراوی پزیشكانی بێسنوور،  باس  دۆخی غەززە دەكات و دەڵێت " بە جۆرێكە منداڵانی تەمەن پێنج ساڵ خۆزگە بە مردن دەخوازن".

لێدوانی فەرمیی: كریستۆفەر لاكیر، سەرۆكی ڕێكخراوی پزیشكانی بێسنوور، لە ئەنجوومەنی ئاسایسی نەتەوە یەكگرتووەكان گوتی: تیمە پزیشكییەكانیان لە كەرتی غەززە دەستەواژەیەكی نوێیان درووست كردووە كە بریتییە لە (WCNSF)  و ئەوەش كورتكراوەیە بۆ "منداڵی بریندار كە هیچ ئەندامێكی خێزانەكەی زیندوو نییە". 

"ئەو منداڵانەی لەم جەنگە ڕزگاریان دەبێت، نەك هەر برینی جەستە، بەڵكو كۆمەڵە برینێكی نەبینراویشیان هەیە، ئەم زەبرە دەروونییانە دەبنە هۆی ئەوەی كە منداڵانی پێنج ساڵ بە ئێمە بڵێن پێیان باشترە بمرن". 

زانیاریی زیاتر: ڕێكخراوی پزیشكانی بێسنوور بە توندی ڕەخنەیان لە بڕیاری ئەمریكا گرتووە بۆ ڤیتۆكردنی پڕۆژە بڕیارێكی ئەنجوومەنی ئاسایشی نەتەوە یەكگرتووەكان كە تیایدا داوای ئاگربەستی بەپەلەی مرۆیی لە غەززە كردبوو.

باكگراوند: لەحەوتی ئۆكتۆبەری 2023ەوە كە شەڕی ئیسرائیل و حەماس دەستیپێكردووە، تا ئێستا ئەمریكا سێ پڕۆژە یاسای لە ئەنجوومەنی ئاسایشی نەتەوە یەكگرتووەكان ڤیتۆ كردووە كە داوای ئاگربەستی مرۆییان لە غەززە كردووە.