عێراق پێویستی بە دروستکردنی 10 هەزار قوتابخانە هەیە

ئاڤا نیوز 

 

بۆ ڕووبەڕووبوونەوەی قەیرانی قەرەباڵغی لە ناوەندەکانی خوێندن، عێراق لە ماوەی پێنج ساڵی داهاتوودا پێویستی بە دروستکردنی 10 هەزار قوتابخانە هەیە.

 

بڵاوکراوەی فەرمی: فازڵ غەراوی، سەرۆکی سەنتەری ستراتیژی بۆ مافەکانی مرۆڤ ڕایگەیاند: ئێستا لە زۆربەی ناوەندەکانی خوێندنی عێراق بەهۆی نەبوون و بچووکی باڵەخانەکانەوە، پشت بە سیستمی سێ دەوامی و چوار دەوامی دەبەسترێت، هاوکات لە بەشێک لە ناوچەکان قوتابخانەکان لە خانووی قوڕن یان لەنێو کەرەڤانەدان.

 

غەراوی ئاماژەی بۆ دەکات، مافی خوێندن یەکێکە لە مافە سەرەتاییەکان، ڕوونیشیکردەوە سەرژمێری دانیشتووان پێویستی راستەقینەی قوتابخانەکان لەسەر بنەمای چڕی دانیشتوان دیاری دەکات.

 

چارەسەرەکان: بۆ نەهێشتنی قەرەباڵغی لە ناوەندەکانی خوێندن و سیستمی یەک دەوامی، سەرۆکی سەنتەری ستراتیژی بۆ مافەکانی مرۆڤ داوا لە حکومەت دەکات لە ماوەی پێنج ساڵی داهاتوو، 10 هەزار قوتابخانەی نوێ بوونیادبنێت.

 

ئەوەی پێویستە بیزانیت: ئەو قسانە غەراوی لە کاتێکدایە کە ڕۆژی شەممە 23-11-2024، محەممەد شیاع سوودانی، سەرۆکوەزیرانی عێراق لە ڕێگەی ڤیدیۆ کۆنفرانسەوە 790 قوتابخانەی نموونەیی لە کۆی هەزار باڵەخانە لە سەرجەم پارێزگاکان کردەوە، ئەمەش لە چوارچێوەی رێککەوتنی عێراق لەگەڵ کۆماری چین جێبەجێ کراون.