لە گەرمیان پشکنینی تەندروستیی بە خۆڕایی بۆ هاونیشتمانییان دەکرێت

ئاڤا نیوز

تیمێکی زانکۆی پۆلەتەکنیکی کەلار - گەرمیان لە هەڵمەتێکدا، دوو هەزار پشکنینی پزیشکیان بە خۆڕای بۆ خەڵکی سنوورەکە کردووە، سەرپەرەشتیاری تیمەکەٍش دەڵێت، لە بەرنامەمان دایە ئەو هەڵمەتە لە گوندەکانیش بکەن.

 

وێنە گەورەکە: لەم هەفتەیە تیمێکی زانکۆی پۆلەتەکنیکی کەلار- گەرمیان، کە لە 11 مامۆستا و 40 قوتابی بەشەکانی شیکاری نەخۆشییەکان و پەرەستاری پێکهاتوون، سەدان پشکنینان بۆ هاونیشتمانیانی ئیدارەی گەرمیان بە خۆڕای کردووە. 

 

لێدوانی فەرمی: کۆسار عومەر، مامۆستای زانکۆ و سەرپەرەشتیاری تیمەکە، بە ئاڤا نیوزی ڕاگەیاند: لە ماوەی چوار ڕۆژ دا، دوو هەزار پشکنینمان بۆ هەزار هاونیشتمانی لە سنووری گەرمیان کردووە.

 

زانیاریی زیاتر: پشکنینەکان پێکهاتوون لە: پشکنینی خوێن، پشکنینی بەرگرییەکان، پشکنینی کیمیاییەکان و لقەکانیان. 

 

لەلایەکی دیکەوە: کۆسار عومەر گوتیشی: ئەگەر پشتگیریمان بکرێت و هاوکاری بکرێین، ئەوا بەرنامەمان هەیە ئەم هەڵمەتە بۆ گوندەکانی ئیدارەی گەرمیانیش بگوازینەوە.