توێژینەوەیەکی نوێ: 75 خولەک وەرزشکردن لە هەفتەیەکدا مەترسی مردنی پێشوەخت کەمدەکاتەوە

ئاڤا نیوز

توێژینەوەیەکی نوێی زانستیی دەریدەخات کە تەنیا 75 خوولەک وەرزشکردنی مامناوەند وەکو؛ ڕۆیشتن، پایسکلسواری، کاری ناو ماڵ لە ماوەی هەفتەیەکدا، دەتوانێت کاریگەرییەکی ئەرێنی گەورەی لەسەر تەندروستیی مرۆڤ هەبێت.

چیرۆکی سەرەکی: مردنی پێشوەختە، کە بە گشتیی ئاماژەیە بۆ مردنی کەسێک پێش گەیشتنی بە تەمەنی مامناوەندی ( 65 ساڵی)، کێشەیەکی گەورەی تەندروستی جیهانییە، و نەخۆشییەکانی دڵ و شێرپەنجە دوو هۆکاری سەرەکی ئەم مردنە پێشوەختەن. شێرپەنجە کاتێک دەبێتە هۆی مردنی پێشوەختە کە نەخۆشییەکە لە قۆناغێکی پێشکەوتوودا دەستنیشان دەکرێت. هۆکارەکانی وەک جگەرەکێشان، پیسبوونی هەوا، خۆراکی ناتەندروست، و کەمجووڵەیی کاریگەرییەکی ڕاستەوخۆیان هەیە لەسەر زیادکردنی مەترسی تووشبوون بە شێرپەنجە و نەخۆشییەکانی دیکە.

بڵاوکراوەی زانستی: توێژینەوە نوێیەکە لە گۆڤاری British Journal of Sports Medicine (BJSM)، بڵاوکراوەتەوە و ئاماژەی بەوەداوە؛ بۆ کەمکردنەوەی مەترسی مردنی پێشوەختە پێویستە مرۆڤ بڕی چالاکییە جەستەییەکانی کە ئەنجامی دەدات زیاتر بکات.

هۆکارە زانراوەکان: وەرزشکردن بە گشتیی سوودێکی زۆری بۆ تەندروستی دڵ و مێشک و باشترکردنی باری دەروونی هەیە.

لەلایەکی دیکەوە: پزیشکان و شارەزایانی تەندروستی، هانی خەڵک دەدەن کە بەلایەنی کەمەوە هەوڵ بدەن ئەم بڕە کەمەی وەرزشکردن بخەنە ناو ژیانی ڕۆژانەیانەوە، کە دەکرێت ئەمە تەنها ڕۆیشتنێکی خێرا بۆ ماوەی 10-15 خولەک لە ڕۆژێکدا بۆ ماوەی پێنج ڕۆژ لە هەفتەیەکدا بێت.