چەند خۆراکێک ئەگەری تووشبوون بە 14 جۆری جیاوازی شێرپەنجە کەم دەکەنەوە

ئاڤا نیوز

 

توێژینەوەیەکی نوێ دەریدەخات، خواردنی ئۆمێگا 3 و ئۆمێگا 6 کە لە خۆراکە ڕووەکییەکان و ماسی دا هەن کاریگەری لە سەر کەم بوونەوەی مەترسی تووشبوون بە شێرپەنجە هەیە.

 

زانیاری بەدەستهاتوو: بەپێی توێژینەوەیەک کە لە گۆڤاری نێودەوڵەتیی شێرپەنجە بڵاوکراوەتەوە، تا ڕێژەیی چەوری ئۆمێگا-3 و ئۆمێگا-6 لە خوێندا زیاتر بێت ئەگەری تووشبوون بە شێرپەنجە کەمترە.

 

لێدوانی فەرمی: دکتۆر کایکسۆنگ کالڤین یی، لە بەشی جینات لە زانکۆی جۆرجیا ڕایگەیاند: "ترشە چەورییەکانی ئۆمێگا 3 زیاتر بەسوودن بۆ گەشەکردنی مێشک و تەندروستی دڵ و خوێنبەرەکان، لە کاتێکدا ترشە چەورییەکانی ئۆمێگا 6 بەسوودن لە بەرگری و تەندروستی پێست".

 

زانیاریی زیاتر: کۆمەڵەی شێرپەنجەی ئەمریکی ئاماژەی بەوە داوە، ئۆمێگا 3 و  ئۆمێگا 6 مەترسی تووشبوون بە  14 جۆری جیاوازی شێرپەنجە کەم دەکەنەوە ، لەوانە شێرپەنجەی قۆڵۆن، گەدە، سییەکان، مێشک، میزڵدان و جۆرەکانی دیکە.

 

ئەو خۆراکانەی کە دەوڵەمەندن بە ئۆمێگا 3 بریتین لە: سەلەمون، سەردین جۆرێکی ماسییە، گوێز، تۆوی کەتان و سۆیا.

 

ئەو خۆراکانەی دەوڵەمەندن بە ئۆمێگا 6 بریتین لە: زەیتی گوڵەبەڕۆژە، گوێز، زەردێنەی هێلکە و بادەم.