تا دوای هەڵبژاردنی كوردستان كۆمسیۆنی عێراق بەردەوام دەبێت

ئاڤا نیوز

بەرپرسی ئۆفیسی سلێمانی كۆمسیۆنی باڵای سەربەخۆی هەڵبژاردنەكانی عێراق ڕایگەیاند، بە فەرمانی دادگەی فیدراڵی تەمەنی كۆمسیۆنی باڵای سەربەخۆی هەڵبژاردنەكانی عێراق درێژ دەكرێتەوە تا كۆتایی هاتنی هەڵبژاردنی پەرلەمانی كوردستان.

وێنە گەورەكە: 7-7-2024 تەمەنی كۆمسیۆنی باڵای سەربەخۆی هەڵبژاردنەكانی عێراق بەسەر دەچێت، بە فەرمانی دادگەی فیدراڵی عێراق، تا كۆتایی هەڵبژاردنی پەرلەمانی كوردستان كۆمسیۆنی هەڵبژاردنەكانی عێراق كارەكانیان بەردەوام دەبێت.

لێدوانی فەرمی: هاوڕێ تۆفێق لە ئۆفیسی سلێمانی كۆمسیۆنی باڵای سەربەخۆی هەڵبژاردنەكانی عێراق، بۆ ئاڤا نیوز گوتی: بە پێی بڕیارێكی دادگەی فیدراڵی عێراق كە تایبەتە بە یەكلاییكردنەوەی تانەكانی هەڵبژاردن لەنێو پوختەی بڕیارەكە بابەتێكی تێدایە كە كۆمسیۆنی هەڵبژاردنەكانی عێراق بەردەوام دەبن لە كارەكانیان تا كۆتایی هەڵبژاردنی پەرلەمانی كوردستان.

ئەوەی پێویستە بیزانیت: لە داهاتوویەكی نزیكدا سەرۆكی هەرێمی كوردستان بەفەرمی كاتی هەڵبژاردنی پەرلەمان دیاری دەكات و هەڵبژاردن بەڕێوەدەچێت. بەرپرسی ئۆفیسی سلێمانی كۆمسیۆنی باڵای سەربەخۆی هەڵبژاردنەكانی عێراق وای گوت.