نێچیرڤان بارزانی و سەرۆکوەزیران بارزانی ئامادەی ئاهەنگی دامەزراندنی زانکۆی ئەمریکی دەبن

ئاڤا نیوز

 

بە ئامادەبوونی سەرۆکی هەرێمی کوردستان و سەرۆکوەزیران مەسرور بارزانی ئاهەنگی دەیەمین ساڵیادی زانکۆی ئەمریکی - کوردستان بەڕێوەدەچێت. 

 

وێنە گەورەکە: کاتژمێر 5:00ی ئێوارەی ئەمڕۆ یەکشەممە 01-12-2024، بە ئامادەبوونی نێچیرڤان بارزانی، سەرۆکی هەرێمی کوردستان و سەرۆکوەزیران مەسرور بارزانی، لە شاری هەولێر ئاهەنگی دەیەمین ساڵیادی دامەزراندنی زانکۆی ئەمەریکی - کوردستان بەڕێوە دەچێت.

 

زانیاریی زیاتر: بە پێی کارنامەی ئاهەنگەکە سەرۆکوەزیران مەسرور بارزانی، بە بۆنەی ساڵیادی دامەزراندنی زانکۆکە، وتارێک پێشکەش دەکات.

 

باکگراوند: زانکۆی ئەمریکی – کوردستان لە دهۆک، لە ساڵی 2014 دامەزراوە و تاوەکو ئێستا شەش خولی دەرچووانی بڕوانامەیان وەرگرتووە و زیاتر لە 700 دەرچووی لە بەشە جیاوازەکاندا هەیە، کە بەشێک لە دەرچووەکان لە زانکۆ بەناوبانگەکانی جیهان درێژە بەخوێندنی باڵا دەدەن، ڕۆژی یەکشەممە 02-07-2024، ئاهەنگی خولی شەشەمی دەرچووانی زانکۆکەی ڕێکخست.