کاندیدێکی کۆمەڵی دادگەری بایکۆتی حیزبەکەی دەشکێنێت و هاتە نێو پەرلەمان

ئاڤا نیوز

 

هێرۆ عەتار، کاندیدی دەرچووی کۆمەڵی دادگەری لە بازنەی سلێمانی بایکۆتی حیزبەی دەشکێنێت و کەمێک پێش ئێستا هاتە نێو هۆڵی پەرلەمان و بڕیارە سوێندی یاسایی بخوات.

 

وێنە گەورەکە: کۆمەڵی دادگەری سێ کورسی لە خولی شەشەمی پەرلەمانی کوردستان بەدەستهێناوە، پێشتووتر هەڵوێستی خۆی یەکلایی کردەوە کە بەهیچ شێوەیەک بەشداری لە پەرلەماندا ناکەن و بایکۆتی پرۆسەکەیان کردووە، بەڵام یەکێک لە سێ کاندیدەکەیان بایکۆتی شکاند.

 

زانیاریی پەیامنێر: شەوکەت قادر، پەیامنێری ئاڤا لە پەرلەمان گوتی، "هێرۆ عەتار کاندیدی دەرچووی کۆمەڵی دادگەری لە بازنەی سلێمانی، پێچەوانەی بڕیاری حیزبەکەی کەمێک پێش ئێستا گەیشتە پەرلەمان و سوێندی یاسایی دەخوات."

 

لەلایەکی دیکەوە: شوان ڕابەر، ئەندامی ئەنجوومەنی باڵای کۆمەڵی دادگەری کوردستان بە ئاڤا نیوزی گوت، "بەشدارینەکردن لە خولی شەشەمی پەرلەمانی کوردستان بڕیاری حیزبە و لە هەر پێشهاتێکیشدا بەگوێرەی بارودۆخ حیزب بڕیاری خۆی دەدات."