وەزارەتا خواندنا بلندا عیراقێ کۆلیژەکا دهۆکێ خەلاتکر

ئاڤا نیوز

پشتی کو فیدراسیۆنا نیڤدەولەتی یا فێركرنا پزیشكی ناسناڤێ پشتبەستنێ (اعتیمادیێ) ب كۆلیژا پزیشکیا دهۆكێ دای، خاندنا بلندا عێراقێ ژی ئەو کۆلیژە خەلات کر.

داخویانیا فەرمی: عسمەت خابوور پەیڤدارێ زانكۆیا دهۆكێ بۆ ئاڤا نیوز ڕاگەهاند: ئەڤرۆ د.دلدار حاجی ڕەشاڤەیی، ڕاگرێ كۆلیژا پزیشكییا دهۆكێ، ژلایێ د.نەعیم عەبودی، وەزیرێ خواندنا بلند و ڤەكۆلینێن زانستی یێ حكومەتا عیراقێ ڤە هاتە خەلات كرن.

ئەوا پێدڤیە بزانی: ل دەمێن بووری كۆلیژا پزیشكیا دهۆكێ کو سەر ب زانكۆیا دهۆكێ ڤەیە ناسناڤێ پشتبەستنێ ژلایێ فیدراسیۆنا نیڤدەولەتی یا فێركرنا پزیشكی وەرگرتبوو.