سەرۆک بارزانی: دەمانەوێت پەیوەندییەکانی نێوان کوردستان و ئیمارات قوڵتر ببنەوە

ئاڤا نیوز

 

سەرۆک بارزانی و باڵیۆزی نوێی ئیمارات کۆبوونەوە و جەختیان لە پەرەپێدانی پەیوەندییەکانی نێوان هەردوولا کردەوە.

 

وێنە گەورەکە: ئەمڕۆ لە سەڵاحەددین سەرۆک بارزانی پێشوازی لە عەبدوڵڵا مەتەڕ ئەلمەزروعی، باڵیۆزی نوێی ئیمارات لە عێراق کرد.

 

ڕاگەیێنراوی فەرمی: بارەگای بارزانی ڕایگەیاند: سەرۆک بارزانی پێشوازی لە باڵیۆزە نوێیەکە کرد و هیوای سەرکەوتنی بۆ خواست، هاوکات عەقڵانییەت و پەرۆشی سەرکردایەتیی ئیماراتی بۆ ئاوەدانی و گەشەپێدانی وڵات بە نموونە ناوزەند کرد.

 

هەر بەگوێرەی ڕاگەیێنراوەکە، سەرۆک بارزانی خواستی بۆ قوڵتربوونەوەی پەیوەندی و دۆستایەتییەکانی نێوان هەرێمی کوردستان و ئیمارات دەربڕی.

 

لەلایەکی دیکەوە: باڵیۆزەکەی ئیمارات سڵاوی شێخ محەممەد بن زاید ئال نەهیانی بە سەرۆک بارزانی گەیاند، ستایشی گەلی کوردستان و حکومەتەکەی بۆ دەستەبەرکردنی سەقامگیری و ئاوەدانی کرد.