مەشهەدانی: ڕێگە بە هیچ هەڕەشەیەکی دەرەکی نادەین

ئاڤا نیوز 

 

سەرۆکی پەرلەمانی عێراق دەڵێت، دامەزراوەی یاسادانان پشتیوانی هەنگاوەکانی حکومەت دەکات بۆ پاراستنی ئاسایشی وڵات. جەختیش دەکاتەوە کە بەغدا ڕێگە بەهیچ هەڕەشەیەک نادات کە لە دەرەوە ئاراستەی بکرێت.

 

وێنە گەورەکە: ڕۆژی چوارشەممە 04-12-2024 پەرلەمانی عێراق پەیوەست بە رووداوەکانی سووریا و دۆخی ئەمنیی سنورەکانی عێراق میوانداریی سەرۆکوەزیرانی فیدراڵی کرد و پشتیوانی خۆی بۆ هەنگاوەکانی حکومەت بۆ پاراستنی ئاسایشی وڵاتەکە دووپات کردەوە.

 

لێدوانی فەرمی: نووسینگەی ڕاگەیاندنی سەرۆکی پەرلەمان بڵاوی کردەوە، لە کۆبوونەوەکەدا مەحموود مەشهەدانی، سەرۆکی پەرلەمان پشتیوانی خۆی بۆ هەنگاوەکانی حکومەت دووپات کردووەتەوە بۆ ڕووبەڕوبوونەوەی هەر حاڵەتێکی لەناکاو و جەختی کردووەتەوە کە بەغدا ڕێگە بە هیچ هەڕەشەیەکی دەرەکی نادات، بۆ پاراستنی ئاسایشی وڵاتیش هەموو هەنگاوێک دەگرێتەبەر.

 

زانیاریی زیاتر: سەرۆکی پەرلەمان ئەوەشی گوتووە کە بۆ پاراستنی ئارامی عێراق و دەرچوونی بە پارێزراوی لە دۆخی ئێستا ناوچەکەدا، پێویست دەکات هەماهەنگی نێوان هەردوو دەسەڵاتی یاسادانان و جێبەجێکردن بەهێزتر بکرێت.