کوردێک لە یاریی لەشجوانی بووە پاڵەوانی عێراق

ئاڤا نیوز

یاریزانێکی کورد وەک تاکە یاریزان لەسەر ئاستی عێراق بۆ یاریی لەشجوانی توانی نازناوی پڕۆکارد بباتەوە.

چیرۆکی سەرەکی: پاڵەوانێتیی عێراق مەسڵشۆ؛ پاڵەوانێتیی نێودەوڵەتیی MPC لەشجوانییـە، بە بەشداری زیاتر لە 200 یاریزان لە شاری کەرکووک بەڕێوەچوو.

ڕێدار هاشم کە یاریزانێکی کوردە لە پاڵەوانێتییەکەدا لە کێشی 100 کیلۆگرام پڕۆکاردی بەدەستهێنا. ئەم نازناوە یەک پلە لە مستەر ئۆڵۆمپی دوورە، کە ساڵانە لەسەر ئاستی جیهان دەکرێت.

لێدوانی فەرمی: ڕێدار هاشم بۆ ئاڤا نیوز گوتی: بەهۆی پڕۆکارد دەتوانم ساڵی داهاتوو بەشداری لە پاڵەوانێتیی پڕۆشۆ بکەم و لە مستەر ئۆڵۆمپی نزیک دەبمەوە.

ئەمەش بزانە: ئەمە پێنجەمین خەڵاتی ئەو یاریزانەیە؛ ساڵی 2018 لەسەر ئاستی کوردستان، 2019 لەسەر ئاستی عێراق، هەمان ساڵ لە پاڵەوانێتیی عەرەبی لە بەحرەین و، ساڵی 2021 لە لوبنان وەک پاڵەوانی کیشوەری ئاسیا پڕۆکاردی وەرگرت.