ئۆکراینا دەنگۆی دەستوەردان لە سووریا ڕەتدەکاتەوە

ئاڤا نیوز

 

ئۆکراینا سەرجەم ئەو دەنگۆیانە ڕەتدەکاتەوە کە باس لەوەدەکەن کیێڤ دەستوەردان لە شەڕی ئێستای سووریا دەکات.

ڕاگەیێنراوی فەرمی: هیورهی تیخی،  وتەبێژی وەزارەتی دەرەوەی ئۆکراینا سەبارەت بەو دەنگۆیانەی باس لە دەستوەردانی وڵاتەکەی لە شەڕی سووریان دەکەن، هاتە دەنگ و ڕایگەیاند، هەرجۆرە تۆمەتێک سەبارەت بە دەستێوەردانی ئۆکراینا لە بارودۆخی ئێستای سووریا بە تووندی ڕەتدەکەینەوە".

 

زانیاریی بەدەستهاتوو: تیخی لە درێژەیی قسەکانیدا تیشكی خستەسەر ڕۆڵی ڕووسیا لە شەڕی سووریا و گوتی،"سەرهەڵدان و پێشکەوتنی گرووپێکی لەمشێوەیە [هێزەکانی ئۆپۆزسیۆن] لە سووریا ئەوە دووپاتدەکاتەوە کە ڕووسیا ناتوانێت لە دوو بەرەدا شەڕ بکات".