ئەنجوومەنی ئاسایش کۆبوونەوەیەکی بەپەلەی پەیوەست بە ڕووداوەکانی سووریا ئەنجام دەدات

ئاڤا نیوز

 

دوای زیاتر لە هەفتەیەک لە ڕووبەڕووبوونەوە لەگەڵ سوپای سووریا، ڕۆژی ڕابردوو چەکدارانی تەحریرولشام لەگەڵ کۆنترۆڵکردنی تەواوی دیمەشق کۆتاییان بە دەسەڵاتی ئەسەد هێنا، ئەمەش کاردانەوەی جیهانی بەدوای خۆیدا هێنا. 

 

وێنە گەورەکە: دوای ئاڵۆزییەکانی سووریا و کەوتنی دەسەڵاتی ئەسەد، ئەمڕۆ دوو شەممە، ئەنجوومەنی ئاسایشی نێودەوڵەتیی کۆبوونەوەیەکی بەپەلە سەبارەت بە ڕووداوەکانی سووریا ئەنجام دەدات. 

 

زانیاریی بەدەستهاتوو: بەپێی سەرچاوەکان ئەم کۆبوونەوەیە بەشێوەیەکی داخراو لەسەر داواکاریی ڕووسیا بەڕێوەدەچێت،  کە پێشتر هاوپەیمانی بەشار ئەسەد بووە هاوکات سەرچاوەیەک لە کرێملن ڕایگەیاند، کە بەشار ئەسەد و خێزانەکەی لە مۆسکۆن.

 

ئەوەی پێویستە بیزانیت: ڕۆژی 8-12-2024، گرووپە چەکدارەکانی ئۆپۆزیسیۆن توانیان دیمەشقی پایتەختی سووریا کۆنتڕۆڵ بکەن و کۆتایی بە دەسەڵاتی ئەسەد بێنن.