ئۆکرانیا: ماڵی پووتینمان بە ئامانج نەگرتووە

ئاڤا نیوز

 

ئۆکراینا بانگەشەکەی کرێملین بۆ بۆردومانکردنی ماڵی ڤلادیمێر پووتین، سەرۆکی ڕووسیا ڕەت دەکاتەوە و دەڵێت: کاری وایان نەکردووە و ناشیکەن.

 

وێنە گەورەکە: پێشتر کۆشکی سەرۆکایەتیی ڕووسیا، کرێملین، ڕایگەیاندبوو ئۆکراینا شوێنی نیشتەجێبوونی پووتینی کردووەتە ئامانج، بەڵام ڕووسیا بەڵگە بۆ ئەو هێرشە گوماناوییە ناخاتەڕوو چونکە هەموو درۆنەکان خراونەتە خوارەوە.

 

لێدوانی فەرمی: ئۆکرانیا ڕایگەیاند کە هیچ "بەڵگەیەکی جێ متمانە" نییە کە بە درۆن هێرشی کردبێتە سەر یەکێک لە ماڵەکانی ڤلادیمێر پوتینی سەرۆکی ڕووسیا و هاوکات ڕووسیای تۆمەتبار کرد کە دەیەوێت بەم بانگەشانە کێشە بۆ هەوڵەکانی ئاشتی درووست بکات.

 

باکگراوند: نزیکەی چوار ساڵە شەڕی نێوان ڕووسیا و ئۆکرانیا دەستیپێکردووە و شەڕەکە بەردەوامە. هاوکات بە نێوەندگیریی ئەمریکا هەوڵ بۆ ئاگربەستی نێوانیان دەدرێت.