زیاتر لە 100 فیلم لە فێستیڤاڵی فیلمی دهۆک بەشدارن

ئاڤا نیوز

 

یازدەمین فێستیڤاڵی فیلمی دهۆک بەردەوامە و حکومەتی هەرێمی کوردستان پشتیووانی فێستیڤاڵەکەیە و لە دوو شوێنی جیاوازی پارێزگاکە بەڕێوەدەچێت. 

 

چیرۆکی سەرەکی: فێستیڤاڵەکە ماوەی هەشت ڕۆژ بەردەوام دەبێت، 46 فیلمی کوردی لە هەر چوار پارچەی کوردستان و 61 فیلمی بیانی تێیدا بەشدارن، هاوکات بەشێکیان بۆ خەڵاتی فێستیڤاڵەکە پاڵێوراون.

 

لێدوانی فەرمی: عەلی تەتەر، پارێزگاری دهۆک بە ئاڤا نیوزی ڕاگەیاند: هیوادارم گەلەکەمان سوود لە ئەزموون و ژیان، بەرخودان و ئازادیی خۆی وەرگرێت تاوەکو پەیامی برایەتی و خۆشەویستی خۆی لەڕێگەی فیلمەوە بگەیێنێت.

 

ئەمەش بزانە: مەسعود عارف، دەرهێنەری یەکەم فیلمی سینەمایی لە سنووری دهۆک بەناوی 'نێرگز پشکڤین' کە ساڵی 2006 دروستکراوە، بە ئاڤا نیوزی گوت: بە پێشکەوتنی کاری سینەما لە سنووری دهۆک خۆشحاڵە و تیشک دەخاتە سەر ئاستەنگەکانی ساڵانی ڕابردوو کە لەبەردەم کاری سینەماییدا هەبووە.