هاکان فیدان بۆ بلینکن: نابێت تیرۆریستان سوود لە دۆخی ئێستای سووریا وەربگرن

ئاڤا نیوز

 

وەزیری دەرەوەی تورکیا لەگەڵ هاوتا ئەمریکییەکەی لە پەیوەندییەکی تەلەفۆنیدا تاوتوێی دۆخی ناوچەکە و ئاڵۆزییەکانی سووریایان کرد. 

 

چیرۆکی سەرەکی: هاکان فیدان، وەزیری دەرەوەی تورکیا لە ڕێگەی پەیوەندییەکی تەلەفۆنییەوە قسەی لەگەڵ ئەنتۆنی بلینکن، وەزیری دەرەوەی ئەمریکا کرد و هۆشداری داوە لەوەی "بە هیچ شێوەیەک ڕێگە نادەین گرووپە تیرۆریستییەکان سوود لە دۆخی ئێستای سووریا وەربگرن".

 

وێنە گەورەکە: دوای ڕووخانی بەشار ئەسەد، چاوەکان لەسەر داهاتووی سووریا و حکومەتی نوێی ئەو وڵاتەیە، بۆ ئەمەش هەمووان چاویان لە تورکیایە.

 

زانیاریی بەدەستهاتوو: میدیای فەرمی تورکیا ڕایگەیاند، هاکان فیدان، وەزیری دەرەوەی تورکیا لەگەڵ ئەنتۆنی بلینکن، هاوتا ئەمریکییەکەی باسی لە دووبارە بوونیادنانەوەی سووریا کردووە و بۆ ئەمەش هاوکاریی کۆمەڵگەی نێوەدەوڵەتی بە پێویست زانیوە.

 

ئەوەی پێویستە بیزانیت: تورکیا بە هەموو شێوەیەک دژایەتیی سیاسەتی ئێستای هێزەکانی سووریای دیموکرات (هەسەدە) دەکات و بە بەشێکی سەرەکی دەزانێت لە پارتی کرێکارانی کوردستان، کە ئەوان بە "تیرۆریست" ناویان دەبەن. ئەمە یەکەمجار نییە تورکیا ئەو قسەیە بکات، لە دوو ڕۆژی ڕابردووشدا لە دۆحە هاکان فیدان هەمان قسەی کرد " لە سووریای نوێدا هەسەدە مامەڵەی لەگەڵ ناکرێت، ئەگەر خۆیان نەگۆڕن".

 

لەلایەکی دیکەوە: ئەمریکا هەمیشە پشتیوانیی لە هەسەدە دەکات و ئامانجیەتی لە گۆڕانکارییەکانی سووریا ڕۆڵیان هەبێت. لە تازەترین هەڵوێستدا لەبارەی ڕووداوەکانی سووریا، وەزارەتی دەرەوەی ئەمریکا ڕایگەیاند "هەسەدە هاوپەیمانیی ئێمەن