دوو ملیار كەس لە جیهاندا كێشەی بیستنیان هەیە

ئاڤا نیوز

ڕێکخراوی تەندروستیی جیهانی ڕایدەگەیێنێت، %20 ی دانیشتووانی جیهان کێشەی بیستنیان هەیە، هۆکارەکەشی بۆ هاژەهاژ و بەکارهێنانی بیستۆکەوە دەگەڕێنێتەوە.

وێنە گەورەکە: بەهۆی بەکارهێنانی ئامێرەکانی بیستۆک و هاژەهاژ و کێشەکانی دیکەوە، کێشەی گوێچکە و بیستن لە جیهاندا ڕووی لە زیادبوون کردووە. پێشبینی دەکرێت تا ساڵی 2050 ڕێژەی بیستن لە سەرتاسەری جیهاندا بۆ ٪25 بەرزببێتەوە، کە دەکاتە دوو ملیار  و نیو کەس.

ڕاگەیێنراوی فەرمی: ڕێکخراوی تەندروستیی جیهانی ڕایگەیاند: کێشە تەندروستییەکانی بیستن بووەتە هۆی کەمبوونەوەی پەیوەندییە کۆمەڵایەتییەکان و کاریگەری لەسەر تەواوی خێزانەکان هەیە لە سەرتاسەری جیهاندا.

چارەسەر: تەندروستیی جیهانیی ئامۆژگاریمان دەکات لەکاتی خۆشۆردندا پاککەرەوەی گوێچکە بەکارنەهێنین، ڕێگە نەدەین گوێچکەمان زۆر تەڕ ببێت، بەکارهێنانی بیستۆک کەمبکەینەوە، هەروەها کەمتر بچینە ئەو شوێنانەی هاژەهاژی زۆر زیادیان تێدایە، لەکاتی دەرکەوتنی هەر نیشانەیەکی ئازار لە گوێچکەشدا ڕاستەوخۆ پەیوەندی بە پزیشکی پسپۆڕەوە بکەین.