حەشدی شەعبی: هیچ دەستوەردانێکمان لە دۆخی سووریا نەکردووە

ئاڤا نیوز

سەرۆکی دەستەی حەشدی شەعبی دووپاتی دەکاتەوە کە هیچ دەستوەردانێکیان لە دۆخی ناوخۆی سووریا نەکردووە و دەشڵێت عێراق و وڵاتانی دیکەی عەرەبی لە هەوڵدان بۆ پاراستی سەقامگیری ناوچەکە و سووریا.

 

وێنە گەورەکە: لە عێراق کۆڕبەندی ئەمنیی کەسایەتییە دیارەکان و شێخی هۆزەکانی ئەنبار تایبەت بە دۆخی سووریا بەسترا، لە چوارچێوەی ئەو کۆڕبەندەشدا سەرۆکی دەستەی حەشدی شەعبی قسەی هەبوو و باسی لەوەکرد کە عێراق لە ئاڵۆزییەکانی ئەم دوای سووریا هیچ دەستوەردانێکی نەبووە.

 

ڕاگەیێنراوی فەرمی: فالح فەیاز، سەرۆکی دەستەی حەشدی شەعبی ڕایگەیاند: بوونی دەست لە دەستی گرووپە جیاجیاکان و نەمانی ڕۆڵی سوپا هەڕەشەیەکی جدییە، عێراق وەکو ڕێبازی هەمیشەی دەستوەردانی نەکردووە لە دۆخی ناوخۆی سووریا. هاوکات لەبارەی هەڕەشەی چەکدارانی داعش ڕایگەیاند، ئێستا هێزە ئەمنییەکان بەراورد بە ساڵی 2014 لە دۆخێکی جیاوازدان. 

 

ئەوەی پێویستە بیزانیت: دوای ڕووخانی دەسەڵاتی ئەسەد لە سووریا و گرتنە دەستی دەسەڵات لەلایەن ئۆپۆزیسیۆنی سووریا، وڵاتانی ناوچەکە بەو دۆخەی هاتووەتە ئاراوە و چاویان لە پێکهێنانی حکومەتی ئایندەیە، هاوکات عێراق دەڵێت: چاوەڕێی کردارین نەک گوفتار لە ئیدارەی ڕاگوزەری سووریا.