لە کەرکووک هێزە ئەمنییەکان چەکدارێکی داعش دەکوژن

ئاڤا نیوز 

 

هێزە ئەمنییەکانی داقووق ڕووبەڕووی چوار چەکداری داعش دەبنەوە و دەنگی تەقینەوەش بیستراوە.

 

چیرۆکی سەرەکی: دەزگای هەواڵگریی عێراق چاودێری چوار چەکداری داعش دەکات و لەنێو چێشتخانەیەکی قەزای داقووقیش ڕووبەڕووبوونەوە لەنێوانیان دروست دەبێت.

 

لێدوانی فەرمی: سەرچاوەیەک لە پۆلیسی داقووق بە ڕۆکان جاف، پەیامنیری ئاڤا نیوزی ڕاگەیاند: چوار چەکداری داعش بە مەبەستی کردەی چەکداری دزەیان کردووەتە نێو داقووقەوە و لەلایەن دەزگای هەواڵگرییەوە چاودێری کراون، هاوکات دوای ڕۆیشتنیان بۆ نێو چێشتخانەیەک، هێزە ئەمنییەکان ڕووبەڕوویان دەبنەوە چەکدارێکیش کوژراوە.

 

زانیاریی زیاتر: ڕووبەڕووبوونەوەی نێوان هێزە ئەمنییەکان و چەکدارانی داعش بەردەوامە، هاوکات لەنێو چێشتخانەکە دەنگێکی گەورە بیستراوە و گومان دەکرێت تەقینەوە بێت.