دوای 12 ساڵ جارێکی دیکە ئاڵای فەرەنسا لە سووریا هەڵکرا

ئاڤا نیوز

فەرەنسا شاندێکی دیبلۆماسی بۆ سووریا ناردووە بەئامانجی هەماهەنگی و گفتوگۆ لەگەڵ حکومەتی نوێی وڵاتەکە. 

 

زانیاریی بەدەستهاتوو: ئاژانسی فرانس پرێس بڵاویکردووەتەوە، ژان فرانسوا گیلۆم، نێردەی تایبەتی فەرەنسا سەردانی سووریای کردووە و جەختی لەوە کردووەتەوە لەم قۆناغەدا فەرەنسا لەگەڵ گەلی سووریا دەبێت و پەیوەندی لەگەڵ بەرپرسانی وڵاتەکە دەبەستێت.

 

لەلایەکی دیکەوە: وەزارەتی دەرەوەی فەرەنسا لە بەیاننامەیەکدا دووپاتیدەکاتەوە، چاوەڕێی جێبەجێکردنی سیاسەتی نوێی حکومەتی سووریا دەکەین، تاوەکو بزانین چۆن مامەڵە بکەین و هەنگاو بنێین.

 

ئەمەش بزانە: ئەمە بۆ یەکەمجارە دوای 12 ساڵ ئاڵای فەرەنسا لە باڵیۆزخانەی فەرەنسا لە دیمەشق هەڵبکرێتەوە. 

 

باکگراوند: بەهۆی سەرهەڵدانی شەڕی ناوخۆییەوە لە سووریا ساڵی 2012، فەرەنسا باڵیۆزخانەکەی خۆی لە وڵاتەکە داخست.