پێنتاگۆن: هەسەدە هاوپەیمانێکی گرنگی ئێمەیە لە سووریا

ئاڤا نیوز

 

وەزارەتی بەرگریی ئەمریکا ( پێنتاگۆن) دووپاتیدەکاتەوە، لەگەڵ هەسەدە پارێزگاری لەو ناوچانە دەکەن کە هێزەکانیان تیایدا ماونەتەوە.

 

لێدوانی فەرمی: پاتریک ڕایدەر گوتەبێژی وەزارەتی بەرگریی ئەمریکا ( پێنتاگۆن) ڕایگەیاند هێزەکانی سووریای دیموکرات (هەسەدە) هاوپەیمانێکی گرنگی ئەمریکایە لە سووریا بۆ تێکشکاندنی داعش. هەروەها بەوردی چاودێری ئەو بارودۆخە دەکەین کە ئێستا لە ناوچەکەدا لە نێوان هێزەکانی سووریای دیموکرات (هەسەدە) و هێزەکانی تەحریر شام ڕوودەدات.

 

زانیاریی زیاتر: "لە نزیکەوە کار لەگەڵ هێزەکانی هەسەدە دەکەن بۆ پاراستنی کەمپی هۆل لە چەکدارانی داعش"، پاتریک ڕایدەر وادەڵێت.

 

گۆشەیەکی دیکە: مەزڵوم عەبدی، فەرماندەی گشتیی هێزەکانی سووریای دیموکرات (هەسەدە) لە هەژماری فەرمی خۆی لە تۆڕی ئێکس بڵاویکردەوە، بە ئامانجی پابەندبوونی جێگیریان بۆ بەدیهێنانی ئاگربەستی سەرتاسەری لە هەموو سووریادا، ئامادەیی خۆیان ڕادەگەیێنن بۆ پێشكەشەكردنی پێشنیازی دامەزراندنی ناوچەیەكی لە چەك داماڵراو لە شاری كۆبانێ.