گوتەبێژی پارتی وادەی کۆبوونەوەی داهاتوویان لەگەڵ یەکێتی ئاشکرا دەکات

ئاڤا نیوز

 

سەرەتای ساڵی نوێ هەردوو شاندی دانوستانکاری پارتی و یەکێتی لەبارەی پێکهێنانی حکومەتی نوێ جاری دیکە کۆدەبنەوە.

 

وێنە گەورەکە: پارتی و یەکێتی وەک براوەی یەکەم و دووەمی هەڵبژاردن دوو کۆبوونەوەیان لە پیرمام و دەباشان کردوون، لێکتێگەیشتنی ئەرێنی لەسەر دابەشکردنی پۆستەکان دروست بووە و ئەگەر زۆرە لە کۆبوونەوەی سێیەم هەنگاوە ئەرێنییەکانیان فراوانتر بن.

 لێدوانی فەرمی: مەحموود محەممەد، گوتەبێژی پارتی دیموکراتی کوردستان بۆ ئاڤا ڕایگەیاند: "ڕۆژی 07-01-2025 پارتی و یەکێتی جارێکی دیکە کۆدەبنەوە و تاوتوێی هەنگاوەکانی پێکهێنانی حکومەتی نوێ دەکەن". 

 

باکگراوند: دوایین کۆبوونەوەی پارتی و یەکێتی 17ـی ئەم مانگە بوو لە پیرمام. بەپێی ڕاگەیێنراوی هاوبەشی هەردوولا، ڕێککەوتوون کار لەسەر بەرنامەیەکی هاوبەش بکەن بۆ دانانی بنەماکانی حکومڕانی کوردستان بۆ قۆناغی ئاییندە، لیژنەیەکی هاوبەش پێکهێنراوە و کار لەسەر ئامادەکردنی ڕەشنووسی بەرنامەکە دەکات بۆ کۆبوونەوەی حەوتی مانگ.