سێنتکۆم: بەرپرسێکی باڵای داعشمان لە دێرەزوور کوشتووە

ئاڤا نیوز

 

هێزەکانی فەرماندەیی ناوەندی ئەمریکا لە بۆردومانێکی ئاسمانیدا بۆ سەر پارێزگای دێرەزوور سەرکردەیەکی باڵای داعش بە ناوی ئەبو یوسف دەکاتە ئەمانج. 

 

لێدوانی فەرمی: فەرماندەیی ناوەندی ئەمریکا "سێنتکۆم" لە ڕاگەیێنراوێکدا ئاماژەی بەوە کردووە:" ئەم هێرشە ئاسمانییە بەشێکە لە پابەندبوونی بەردەوامی سێنتکۆم، لەگەڵ هاوبەشەکانی لە ناوچەکە، بۆ لەناوبردنی هەوڵەکانی تیرۆریستان بۆ پلاندانان و ڕێکخستن و ئەنجامدانی هێرشەکانیان دژ بە هاووڵاتییانی سڤیل، هاوکات پاراستنی کارمەندانی  ئەمریکا و هاوپەیمانەکانمان و هاوبەشەکانمان لە سەرتاسەری ناوچەک، ئەم هێرشە لە ناوچەیەک ئەنجامدرا کە پێشتر لە ژێر کۆنترۆڵی دەسەڵاتی سووریا و ڕووسەکاندا بوو.

 

زانیاریی زیاتر: فەرماندەی ناوەندی ئەمریکا باسی لەوەشکردووە: ئەمریکا بەردەوامە لە کارکردن لەگەڵ هاوپەیمانان و هاوبەشەکانی لە ناوچەکەدا و ڕێگە نادات داعش سوود لە دۆخی ئێستای سووریا وەربگرێت. 

 

لەلایەکی دیکەوە: هێزە کوردییەکان لە ڕۆژئاوای کوردستان هۆشدارییانداوە لە جوڵەی چەکدارانی داعش لەوەی پلانیان هەیە کە زیاتر لە هەشت هەزار ئەندامی زیندانی کراویان لە گرتووخانەکانی سووریا ئازاد بکەن.