قایمقامی چۆمان لە ڕێگەی ئاڤاوە هاووڵاتییان ئاگادار دەکاتەوە

ئاڤا نیوز

بەهۆی بارینی بەفرێکی زۆر لە ناوچە شاخاوییەکان ئاستەنگی هاتووچۆ دروست بووە، بۆ ئەو مەبەستەش قایمقامی چۆمان هاووڵاتییان لە مەترسی هاتووچۆکردن لە ناوچە شاخاوییەکانی سنوورەکە ئاگاداردەکاتەوە. 

 

لێدوانی فەرمی: ئەحمەد بارزان، قایمقامی قەزای چۆمان بە ئاڤا میدیای ڕاگەیاند: ئاگاداری گەشتیاران و ئەو کەسانە دەکەینەوە کە نیازی سەردانیکردنی ناوچە شاخاوییەکانی قەزای چۆمانیان هەیە، بەفرێكی زۆر لە ناوچەکە باریوە و ئێستا ڕێگاکانی ناوچەکە بۆ هاتووچۆکردن لەبار نین و مەترسیدارن.

 

زانیاریی زیاتر: ئەحمەد بارزان  گەشتیاران و هاووڵاتییان  لە سەختی ڕێگاکان و شەختە و سەهۆڵی ڕێگاکان، وە ئەگەری هەڵکردنی باو کڕێوە و خراپی کەش و هەوا ئاگادار دەکاتەوە، کە بووەتە هۆی دابەزینی پلەکانی گەرما بۆ خوار -پلەی سیلیزی، بۆیە وەک قایمقامی چۆمان ئاماژەی بۆ دەکات باشتر وایە گەشتیاران لەو کاتانەدا گەشت بە ئۆتۆمبێلی خۆیان بۆ نێو بەفرو ناوچە شاخاویەکان نەکەن.

 

ئەوەی پێویستە بیزانیت: شەوی ڕابردوو بەهۆی سەختی رێگا و بەستەڵەکی ناوچەکەوە چەند هاوڵاتییەک لە گوندی وێزەی ناوچەی باڵەکایەتی گیریان خواردبوو، بۆ رزگاركردنیشیان بەڕێوەبەرایەتیی بەرگری شارستانی سۆران دوو تیمی رەوانەی ناوچەكە كردوو توانرا رزگار بکرێن.