شاندێکی تەکنیکی وەزارەتی دارایی بۆ پرسی مووچە سەردانی بەغدا دەکات

ئاڤا  نیوز

 

شاندێکی تەکنیکی وەزارەتی دارایی و ئابووری حکومەتی هەرێمی کوردستان بۆ پرسی مووچە شەوی ڕابردوو سەردانی بەغدا کرد، بە مەبەستی چارەسەری کێشەکانی بەردەم ناردنی مووچەی مووچەخۆران.

 

وێنە گەورەکە: شەوی ڕابردوو، شاندێکی تەکنیکی وەزارەتی دارایی و ئابووریی هەرێمی کوردستانی سەردانی بەغدا کرد، بڕیارە ئەمڕۆ لەگەڵ وەزارەتی دارایی فیدراڵ تاوتوێی ئەو ڕاپۆرتەکە بکەن کە زیاتر لە هەفتەیەکە لیژنەیەکی هاوبەشی هەردوو وەزارەت وردبینیان بۆ کردووە، ئامانجیش ناردنی پارەی پێویستە بۆ دابەشکردنی مووچەی مووچەخۆران.

 

ئەوەی پێویستە بیزانیت: شاندەکەی حکومەتی هەرێمی کوردستان بڕیارە لەگەڵ تەیف سامی، وەزیری دارایی عێراق کۆببێتەوە و تاوتوێی چەند پرسێک بکەن، هاوکات هەوڵە جددییەکان بۆ دابەشکردنی مووچەی مانگی 11 یە بەر لە کۆتایی ساڵ و ناردنی مووچەی مانگی 12 لەگەڵ 430 ملیار دینار کە پێشتر موناقەلە کرابوو.

 

لێدوانی فەرمی: ڕێباز حەملان، بریكاری وەزارەتی دارایی عێراق ڕایگەیاند: "تەواوی ئەو ڕێككارانەی بۆ ڕێکخستنەوەی تەرازووی پێداچوونەوەی مانگانەی هەرێمی كوردستان لە سەرەتای ساڵی 2024ەوە تا مانگی 11ی ئەمساڵ بەو شێوەیەی وەزارەتی دارایی عێراق داوای کردووە وردبینی بۆ کراوە، بە هەوڵی هەمووان بەرەو چارەسەرکردنی کێشە هونەرییەکان دەڕۆین.

 

ئەمەش بزانە: پێشتر وەزارەتی دارایی عێراق پارەی مووچەی مانگەکانی 10 و 11 بە کورتهێنانەوە نارد بە کۆی گشتیی 600 ملیار دینار کورتهێنانی هەیە، بۆیە تاوەکو ئێستا دەست بە دابەشکردنی مووچەی مانگی 11 نەکراوە، وەزارەتی دارایی پێویستی بە ناردنی 430 ملیار دینار یان مووچەی مانگی 12 هەیە.