چین: ئەمریکا بە هاوکاریکردنی تایوان یاریی بە ئاگر دەکات

ئاڤا نیوز

 

حکومەتی چین هۆشداریی توند دەدات بە ئەمریکا بەهۆی هاوکارییە سەربازییەکانی ئەم دواییەی بۆ تایوان.

 

وێنە گەورەکە: بەگوێرەی ڕاگەیێنراوێکی کۆشکی سپی، جۆ بایدن، سەرۆکی ئەمریکا، واژوی لەسەر پێدانی یارمەتیی بەرگریی سەربازیی بە تایوان بە بەهای 571 ملیۆن دۆلار کردووە، ئەمەش ناڕەزایەتیی چینی بەدوای خۆیدا هێنا.

 

ڕاگەیێنراوی فەرمی: وەزارەتی دەرەوەی چین لە بەیاننامەیەکدا سەبارەت بە هاوکارییە سەربازییەکانی ئەمریکا بۆ چین ڕایگەیاند: حکومەتی چین داوا لە ئەمریکا دەکات پڕچەک کردنی تایوان و هەر جوڵەیەک کە ئاشتی و سەقامگیری گەرووی تایوان تێک بدات ڕابگرێت.

 

ئەوەی پێویستە بیزانیت: ژمارەی دانیشتووانی تایوان 23 ملیۆن کەسە، حکومەتی چین بە بەشێک لە خاکی خۆی دەزانێت و دەڵێت بەشێکی دانەبڕاوە.