سەرجەم فەرمانبەرانی شارستانیی هەولێر بە دیجیتاڵی مووچەکانیان وەردەگرن

ئاڤا نیوز

 

پرۆسەی بە دیجیتاڵیکردنی مووچەی مووچەخۆرانی هەرێمی کوردستان بەردەوامە، لە سەرەتای ساڵی داهاتوو سەرجەم مووچەخۆرانی شارستانیی سنووری پارێزگای هەولێر لە ڕێگەی کارتی بانکییەوە مووچەکانیان وەردەگرن.

 

وێنە گەورەکە: پرۆسەی بەدیجتاڵکردنی مووچەی مووچەخۆران لە هەژماری من بەردەوامە و حکومەتی هەرێمی کوردستان کار لەسەر ئەوە دەکات لەچەند مانگی داهاتوو ملیۆنێک مووچەخۆر ببنە خاوەن هەژماری بانکی خۆیان.

 

زانیاریی بەدەستهاتوو: بەگوێرەی ڕاگەیێنراوی وەزارەتی داراییی و ئابووری هەرێمی کوردستان، مانگی کانونی دووەمی "مانگی یەکی 2025" ساڵی داهاتوو سەرجەم فەرمانبەرانی شارستانی لە پارێزگای هەولێر بەشێوەی دیجیتاڵی مووچەکانیان وەردەگرن.

 

ئەوەی پێویستە بیزانیت: نزیکەی 700 هەزار مووچەخۆر خۆیان لە ڕێگەی هەشت بانکەوە خۆیان لە پڕۆژەی هەژماری من تۆماکردووە و ئێستا 156 هەزار فەرمانبەری مەدەنی لە ڕێگەی ئامێرەکانی ATM مووچەکانیان وەردەگرن.